Shërbimet
Ajo që iu ofrojmë klientëve nuk kufizohet thjesht tek realizimi i porosisë/produktit. Ne e konsiderojmë angazhimin tonë në shërbimet e ndjekjes së porosisë si një avantazh mjaft të rëndësishëm konkurrues.

Shtypshkronja Guttenberg i ofron shërbimet e ndjekjes së porosisë pa shpenzime shtesë. Si klient ju jeni në kontroll të plotë te plotësimit të kërkeses suaj, pa u shkëputur nga rehatia e zyres suaj. Cilidoqoftë objekti juaj i botimit - revista, libra, qarkullime të larta, fletëpalosje etj, nuk do të humbisni më kohë që të vini tek ne, dhe prape do e kontrolloni cilësinë e punës para printimit, gjatë printimit dhe kur përfundon.

Sigurisht, së pari ju duhet një përllogaritje cmimi, të cilën ju mund ta siguroni duke plotësuar formularin online (të cilin mund ta gjeni në rubrikën “porosia”) ose duke telefonuar apo dërguar faks në shtypshkronjë. Përpara nisjes së punës për realizimin e porosisë suaj do t’iu caktohet nje anëtar përgjegjës i ekipit tonë i cili do të kontrollojë porosinë dhe do t’iu përgjigjet pyetjeve që mund të keni.
I njëjti punonjës do të ndjekë edhe gjithe procesin parapërgatitor të shtypit të porosive tuaja.
Gjithashtu, nëse keni nevojë për të dizenjuar materialet që do të shtypni, mund t’iu vëmë në dispozicion departamentin tonë të dizajnit.

Pas realizimi të porosisë stafi i shtypshkronjës mund të realizojë edhe dërgimin e produktit tek klienti.

Mos hezitoni të na kontaktoni në cdo kohë për cdo shërbim tjetër shtesë që mendoni që mund t’iu realizohen nga shtypshkronja.